मंगळवार पेठेतील काही भागाला मुसळधार पावसाचा फटका; सभागृह नेते गणेश बिडकर,मनपा आयुक्त विक्रमकुमार यांनी केली प्रत्येक्ष पाहणी

मंगळवार पेठेतील काही भागाला मुसळधार पावसाचा फटका; सभागृह नेते गणेश बिडकर,मनपा आयुक्त विक्रमकुमार यांनी केली प्रत्येक्ष पाहणी

पुणे प्रतिनिधी: शहरात सोमवारी संध्याकाळी झालेल्या मुसळधार पावसाचा फटका मंगळवार पेठेतील काही भागाला बसला. अनेक ठिकाणी पावसाचे पाणी साठले होते. महानगरपालिका आयुक्त विक्रमकुमार यांनी मंगळवारी सकाळी या ठिकाणी भेट देऊन पाहणी केली. सभागृह नेते गणेश बिडकर यांच्यासह सहाय्यक क्षेत्रीय आयुक्त आणि इतर अधिकारी यावेळी उपस्थित होते. 

शहरातील अनेक भागांमध्ये सोमवारी संध्याकाळनंतर सलग दोन ते अडीच तास झालेल्या पावसामुळे ६९ मंगळवार पेठेतील रस्त्यावर पाणी साचले होते. तर या परिसरातील काही कुटुंबांचे या पावसामुळे नुकसान देखील झाले आहे. या पार्श्वभूमीवर पालिका आयुक्त विक्रमकुमार यांनी या भगाला भेट देत आवश्यक ती उपाययोजना करण्याच्या सूचना संबंधित विभागाच्या अधिकाऱ्यांना दिल्या. या ठिकाणी असलेल्या नाल्यावर कायमस्वरूपी काम करून घ्यावे जेणेकरून  अशी परिस्थिती पुन्हा निर्माण होणार नाही, असेही पालिका आयुक्तांनी अधिकाऱ्यांना बजाविले. आशिष महादळकर, अविनाश संकपाळ, संतोष तांदळे यांच्यासह इतर अधिकारी आणि स्थानिक नागरिक यावेळी उपस्थित होते.