नेवासा तालुक्यातीलसोनई येथील शिवभक्त संजय पालवे व मित्र मंडळाच्या वतीने वृध्देश्वर,इमामपुर सह सोनई येथील महादेव मंदीरात आकर्षक फुलांची सजावट करण्यात आली. दहा वर्षापासून राबवत असलेल्या या कार्याचे भाविकांनी कौतुक केले आहे.
शिवभक्त संजय पालवे,संतोष येवले,महावीर चोपडा, उमेश औटी मिलिंद बोंगाणे व अक्षय लुणिया यांनी सोमवार दि.२८ फेब्रुवारीच्या रात्री बारा वाजता वृध्देश्वर महादेव मंदीरातील गाभारा स्वच्छ धुवून घेतला.येथे विधीवत अभिषेक करुन संपुर्ण गाभारा व महादेव पिंडीला फुलांची आकर्षक सजावट केली. यामध्ये पंचवीसहून अधिक वेगवेगळ्या फुलांचा वापर करण्यात आला.सर्व मित्रांनी हाताने फुलांच्या माळा व गुच्छ केले.
सोनई येथील पुरातन हेमांडपंथी त्रिलींगी महादेव मंदीरात पालवे व मित्र मंडळाने फुलांची आकर्षक सजावट करुन इमामपुर येथील खिरणीचा महादेव मंदीर परीसरात स्वच्छता अभियान राबवून मुर्तीस व मंदीरास फुलांची सजावट केली.शिवभक्त पालवे गेल्या दहा वर्षापासून दर सोमवारी व सण उत्सवास स्वखर्चाने फुलांची सजावट करीत असुन या अगळ्या भक्तीबद्दल युवकांचे माजी पंचायत समितीचे सदस्य राजेंद्र गुगळे,सरपंच धनंजय वाघ, पत्रकार विनायक दरंदले, सुनिल दरंदले व परीसरातील भाविकांनी स्वागत केले आहे.
नेवासा तालुक्यातील बातम्यासाठी C24 तास WhatsApp group:
श्री.अनिल जाधव, वय - 35,राहुरी,जि.अहमदनगर.*सी २४तास - महाराष्ट्राची अत्याधुनिक आणि परिपुर्ण वृत्तवाहिनी सी 24 तास जगा वर्तमानात बिनधास्त*