जिल्हा राष्ट्रवादी काँग्रेस प्रवक्ते मोहनराव रोकडे यांचा वाढदिवस उत्साहात साजरा पारनेर /प्रतिनिधी. जिल्हा राष्ट्रवादी काँग्रेस पक्षाचे प्रवक्ते मोहनराव रोकडे यांचा वाढदिवस शासकीय विश्रामगृह येथे दीपक अण्णा लंके यांच्या प्रमुख उपस्थितीत उत्साहात साजरा करण्यात आला. कार्यक्रमास रवींद्र राजदेव, उपसरपंच किरण तराळ, संतोष खामकर, दत्ता निवडूंगे आदी मान्यवर उपस्थित होते.
यावेळी मोहनराव रोकडे यांचे पक्षातील योगदान, सामाजिक कार्य आणि राजकीय वाटचालीचा सन्मान करण्यात आला. उपस्थितांनी त्यांना पुष्पगुच्छ, शाल व श्रीफळ देऊन अभिनंदन केले. कार्यक्रमात मोहनराव रोकडे यांनी सर्वांचे आभार व्यक्त केले आणि पक्ष मजबूत करण्यासाठी सर्वांनी एकत्र काम करण्याचे आवाहन केले.
दुसरीकडे, टाकळी ढोकेश्वर गटाचे नेते रविंद्रशेठ राजदेव यांनी वडगाव सावताळ (गाजदिपूर) येथे ग्रामस्थांच्या उपस्थितीत मोहनराव रोकडे यांचा वाढदिवस साजरा केला. यावेळी ग्रामस्थांना साखर आणि विविध खाऊचे वाटप करण्यात आले.
टाकळी ढोकेश्वर गटाचे प्रमुख नेते रविंद्रशेठ राजदेव यांनी मोहनराव रोकडे यांच्या वाढदिवसानिमित्त ग्रामीण भागात विशेष उपक्रम राबवला. वडगाव सावताळ (गाजदिपूर) येथे ग्रामस्थांसोबत साखर व खाऊ वाटप करून त्यांनी सामाजिक बांधिलकी दर्शवली. कार्यक्रमात शिक्षक नेते संतोष खामकर, उत्तमशेठ नऱ्हे, खंडू करगळ, नांदूर पठारचे सरपंच भानुदास आग्रे, भाऊसाहेब चौधरी, पत्रकार विनोद गायकवाड, श्रीनिवास शिंदे, गणेश जगदाळे, भाऊसाहेब सातकर पाटील, खंडू कोळेकर, गुलाब करगळ आदी मान्यवर उपस्थित होते.
महिला भगिनींची उपस्थिती मोठ्या प्रमाणात होती. ग्रामस्थांनी रविंद्रशेठ राजदेव यांच्या या पहिल्या उपक्रमाचे स्वागत केले. त्यांनी सर्व ग्रामस्थांना वाढदिवसाच्या शुभेच्छा दिल्या आणि भविष्यात असे सामाजिक उपक्रम सुरू ठेवण्याचे आश्वासन दिले.
कार्यक्रमात राष्ट्रवादी काँग्रेस पक्षाची एकजूट आणि ग्रामीण विकासासाठी पक्ष नेत्यांचे प्रयत्न यावर चर्चा झाली. उपस्थित सर्वांनी मोहनराव रोकडे यांच्या दीर्घायुष्यासाठी शुभेच्छा व्यक्त केल्या.
श्री.अनिल जाधव, वय - 35,राहुरी,जि.अहमदनगर.*सी २४तास - महाराष्ट्राची अत्याधुनिक आणि परिपुर्ण वृत्तवाहिनी सी 24 तास जगा वर्तमानात बिनधास्त* 